158               TESTAMENTS ENREGISTRÉS AU PARLEMENT DE PARIS            (398)
Item, en faisant les laiz dessus divisiez, estoit et fu l'entencion du dit testateur qu'ilz feussent paiez à monnoye ayant cours es terres et lieux où les legatoires sont demourans, ou en l'estimacion.
Item, le dit testateur volt et ordena que son hostel où il demeure à Paris, ainsi qu'il se comporte, excepté le petit bostel qui fait le coing de deux rues qu'il a baillie à Iouier à maistre Guillaume Intrant et les pe-tiz hostelz qui sont au bout du jardin devant la riviere, bailliez aussi à Iouier à pluseurs personnes, qui puet bien valoir dix mile livres ou plus, et qui a moult plus cousté, soit vendu par ses executeurs le plus tost que faire se pourra au plus offrant et en deniers comptans, se il n'en dispose en sa vie; et que les deniers de la vendicion soient distri­buez promptement en dix parties égales par la maniere qui s'ensuit : c'est assavoir, au college des escoliers de Champaigne dit de Navarre, un dixiesme pour convertir es réparacions de leurs hostelz et édifices, ou pour acheter rente ou terres pour ycelui college, sans ce que les maistres et escoliers appliquent les deniers à leur singulier proufit, afin qu'ilz soient tenuz de faire celebrer chascun an aucun service divin ou memoire, tel qu'ilz vouldront offrir selon leur devocion, pour le sa­lut de l'ame du dit testateur, et le faire enregistrer ou matrologe du dit college, et en baillier recognoissance aux diz executeurs.
Item, pareillement au college de Serbonne une autre diziesme par­tie du pris dessus dit, et à tele charge comme dit est.
Item, semblablement et à tele charge une autre diziesme partie au college des escoliers de Bourgongne, assis devant l'eglise des Cor­deliers.
Item, pareillement et à tele charge une autre diziesme partie au college des escoliers du Cardinal le Moine, assis emprès la porte Saint Victor.
Item, une autre diziesme partie soubz tele forme au college des es­coliers de Dainville, estans emprès Saint Cosme.
Item, une autre diziesme porcion d'icelui pris aus quatre convens des quatre ordres Mendians à Paris, à la difisier égalaient entre eulx, pour convertir en leurs necessitez teles qu'il leur plaira et à tele charge